Teknologi- og industrifag

Vg1 teknikk og industriell produksjon

På vg1 får du ein introduksjon til dei viktigaste arbeidsmetodane innan fagområdet. Du lærer å teikne, sveise og du får opplæring i maskiner som fres, dreiebenk og CNC-maskin (ein datastyrt fres).

 Felles programfag dette året er:

• Dokumentasjon og kvalitet
• Produksjon
• Tekniske tenester

Vg2 industriteknologi

Industriteknologi er eit av dei breiaste yrkesfaga, og gir moglegheiter for å gå ut i lære på mange fagområde. 

Her lærer du å skjere, kutte, sage, sveise, frese og mykje anna etter arbeidsteikningar. Vi brukar mykje tid i verkstaden for å gi deg eit best mogleg utgangspunkt før læretida.

Skulen sitt gode samarbeid med bedrifter og opplæringskontor innan fagområde bidrar ofte til lærekontraktar for elevane våre. Du vil også kunne få knytte deg kontaktar med arbeidsgjevarar gjennom fire veker praksis i året.

Vg2 kjøretøy

I dette faget vil du lære alt du treng å vite om bil og motor. Vi tilbyr opplæring i fine verkstadslokale med oppdatert utstyr. Her får du kjennskap til nyare bilar sine motorar, mekanikk og elektronikk då vi via våre samarbeidspartnere i næringslivet får tilsendt dei nyaste modellane på markedet.

Du kan spesialisere deg innan lette kjøretøy, tunge kjøretøy, motormekanikarfaget, motorsykkelfaget og reservedelsfaget i læretida i bedrifter. 

I løpet av skuleåret får du fire veker praksis ute i bedrift.

Utdanningsprogrammet fører fram til generell eller spesiell studiekompetanse, som gir deg grunnlag for å søkje dei fleste studiar ved høgskular og universitet.  
Teknologilinja gir deg særskilt gode føresetnader for å studere videre til å bli ingeniør/sivilingeniør og til å arbeide innan medisin og forsking.